فضيحة اخرى للخطوط التونسية في مطار صفاقس طينة “الدولي”

مطار صفاقس طينة الدولي

مطار صفاقس طينة الدولي

كتب الصحفي بقناة الزيتونة الياس القرقوري تدوينة على حسابه الخاص في مواقع التواصل الاجتماعي “فيسبوك” اشار من خلالها الى تقصير الخطوط التونسية في الايفاء بمواعيد الرحلات وترك المسافرين في الانتظار لاوقات طويلة وذلك بمطار صفاقس .

وجاء في تدوينة القرقوري تحت عنوان: “فضيحة اخرى للخطوط التونسية في مطار صفاقس اليوم” : “اليوم رحلة مبرمجة من مطار صفاقس.. باتجاه مطار شارل ديغول بفرنسا.. توقيت الرحلة من المفروض التاسعة صباحا.. المسافرين من ال 7 متاع الصباح في المطار بالطبيعة..

وتابع القرقوري بالقول: اعلموهم وبكل برودة دم ان الرحلة ستتأخر الى الساعة الرابعة عصرا… عادي.. المواطنين اللي جاو من ديارهم رجعوا واللي جاو من الولايات الأخرى بقاو مطيشيييييييين… عادي….
المسافرين الأعزاء للواحدة بعد الزوال يتصلون بالمطار… والمطار ما ناقصو كان يحلف بالطلاق اللي الرحلة ثابت انها في الرابعة بعد الزوال…
المسافرين في المطار من الساعة الثانية ليجدو ممثل الخطوط التونسية وهو يعلمهم بأن الرحلة ستتأجل لأجل غير مسمى.. وطلب مشكور من المسافرين انهم يمدوه بأرقام هواتفهم للاتصال بهم قبل بساعة من رحلة لا يعلمون موعدها…
ثم أضاف بالقول: منذ قليل تم الاتصال بهم وقالولهم بالحرف الواحد.. براو ارقدوا على رواحكم الليلة ما ثمة شي … ” …ناس عندها التزامات وخدمة وقراية وسخط وهم وشوف وشوفوا الخطوط التونسية كيفاش تتصرف ….
الحاصيلو حالة غضب شديد في صفوف المسافرين وعايلاتهم … ولا من مجيب ولا من رد قدرت عليه الخطوط التونسية… كان برة ارقدوا…

تعليقات الفيسبوك