بعد اقتناء سيارة BMW: ياسين العياري يكشف ديون بلدية صفاقس للستاغ أكثر من مليار
كشف النائب عن دائرة ألمانيا ياسين العياري ان بلدية صفاقس مديونة للشركة التونسية للكهرباء و الغاز بأكثر من مليار دينار و ذلك بعد الجدل الذي أثاره شراء بلدية صفاقس سيارة فاخرة من نوع BMW يبلغ سعرها قرابة 150 الف دينار.
وقال العياري في تدوينة نشرها عبر صفحته الرسمية بموقع التواصل الاجتماعي “فيسبوك” ما يلي:
“بلدية صفاقس ديونها عند الsteg أكثر من مليار، لكن الأولوية لل BMW متع رئيس البلدية.
هناك طبقة طفيلية من الناس، جيل كامل، ترى أن الإنتخاب، تقلد المسؤولية هو فقط .. طريقة لنهب فلوس دافع الضرائب، للحصول على وجاهة زائفة و التغطي بمتاع الناس.. طريقة لإرضاء أمراض و نرجسيات علهم يعوضوا مركبات النقص الي فيهم.
واحد ياخذ BMW ، وحدة تلحلح على تيتر كاتب دولة للبرستيج، لاخر ما يحبش يتفرغ خاطر هو يطبق كان القوانين الي تعجبه، الي ما تعجبوش ما يطبقهاش.. و الكل بلدياتهم.. ما فيهاش الويفي بلاش كيما وعدوا.
إنتخبوني.. هاو برنامجي الي موش بش انفذوا.. و هاي ال BMW الي نحب نشريها.. بفلوسكم!
أقترح إنه في الإنتخابات الجاية، أولاد الأحزاب معادش يقدموا برامج بطبيعتهم و كيف كل مرة حتى واحد منهم ماهو بش ينفذ منها حرف، فقط يقدم كل مرشح شنوة شاهي كرهبة بفلوس التوانسة و خلي الناس تختار، على الأقل، هكة سيقولون الصدق على الأقل.
كل التضامن مع الصفاقسية الي إنتخبوا رئيس بلدية باش يخدمهم، لقاو رواحهم يرضيو بفلوسهم في نزواته!”